பலருக்கு பிடிக்காததாலோ என்னமோ
என்னிடம் மிக நெருக்கமாய் இருந்தான் !
இன்று காணவில்லை !
சிறு வயது முதல் என்னுடன் வளர்ந்தவன்
சொல்லாமல் சென்று விட்டான் !
அவன் காணமல் போனது மற்றவர்களுக்கு
மிகவும் சந்தோஷமாய் இருக்கிறது !
எங்கு சென்று விட்டாய் நண்பனே !
என் படிப்பில் , விளையாட்டில்
என் எல்லா புது முயற்சியிலும் உடனிருந்தவன் !
இன்று காணவில்லை !
மொழி , இனம் , மத வேறுபாடின்றி
அன்பாய் பழுகுபவன் !
இது தான் உலகம் என்று
உண்மை நிலை காட்டியவன் !
இன்று காணவில்லை !
வேறு யாருடனோ தங்கிருக்கிறான்
நிச்சயம் ஒரு நாள் வருவான் !
ஞானம் , அன்பு , உண்மை நிலையை போதித்து
என்னை மீண்டும் புதுப்பிப்பான்!
என் நண்பனின் பெயர் "வழிக்காட்டி "
மற்றவர்கள் ஏனோ " தோல்வி " என்று அழைக்கிறார்கள் .
- சார்லஸ்
Good Work Charli , im proud to be ur friend!!!!
ReplyDeletethanks da
ReplyDelete